是的，近期沒有太大動力去更新。

近幾個月，發生自己身上既事唔多，每日都係平平淡淡地過，某程度上我係不甘平凡，但我係絕對渴望生活平淡。（好似好矛盾...）

就算唔講自己既生活，要寫既其實好多可以寫，例如城中熱話既 D&G，街上對蝗蟲既所見所聞，社會問題等等，以前都經常自己「大鳴大放」，或者間中上 facebook 發表下（即係筆戰），但做左幾年既鍵盤戰士，真係有ｄ攰，唔係打字打到攰，而係恥笑恥到攰。就住一ｄ議題發表評論，有正有反意見實屬正常，但好多時ｄ人就係冇料到，報紙唔睇，資料唔搵，要反駁你，但就毫無實質數據或資料去支持，不加思考只懂付和官方口徑。連一ｄ基本背景都未搞清楚就大放厥詞，一個兩個的話，我就唔介意解釋多ｄ，等多ｄ人認識自己所認同既理念係好事。但原來呢類人唔只有兩個，而係有大量的話，我就真係冇晒氣力去應付佢地。